Texnologiyadan qorxan insanlar
Hər kəs yeni texnologiyadan qorxa və ya istifadə etmək istəməyə bilər, lakin qorxu həyatınıza müdaxilə edirsə bu texnofobiya ola bilər. Başqa sözlə desək, texnologiyadan qorxmağa elmi dildə texnofobiya deyilir. Bundan əziyyət çəkən insanlar adətən süni intellektin, robotların və ya kompüterlərin gücündən qorxurlar.
Əslində texnofobiya insanlara müxtəlif cür təsir edir. Bəzən bu vəziyyətdə olan insanlar texnologiyaya meyl edə ya da əksinə olaraq texnologiyanı həyatlarına daxil etməmək üçün çox səy göstərə bilərlər.
- Yeni kompüter və ya telefon almaqdan çəkinmək,
- Yeni texnologiya və ya dəyişikliklərə tənqid,
- Kompüterlərdən, bankomatlardan və ya kart oxuyucularından istifadə etməkdən imtina,
- Cihazın proqram təminatının təkmilləşdirilməsinə müqavimət göstərmək və başqa bir sıra əlamətlər texnofobiyaya işarə ola bilər
Mütəxəssislər nə qədər insanın texnofobiyadan əziyyət çəkdiyini dəqiq bilmirlər. Ancaq buna yaşlı insanlarda daha çox rast gəlinir. Əgər anksiyete kimi başqa bir probleminiz varsa, texnofobiyaya meylliyiniz daha yüksəkdir.
Texnofobiyanın tək bir səbəbi yoxdur. Texnofobiyaya səbəb ola biləcək amillərə aşağıdakılar daxildir:
- Gələcəklə bağlı ümumi narahatlıq.
- Y2K (year 2000) qorxusu kimi texnologiya bilinməzləri haqqında haqqında kütləvi isteriyalar.
- Texnologiyanın səhv getdiyi və ya insanları üstələyən “qiyamət ssenarilərini” təsvir edən media və s.
Texnofobiyadan xilas olmaq üçün zəmanətli müalicə yolu yoxdur. Xüsusilə qocaldıqca texnologiyaya uyğunlaşmağa müqavimət göstərmək adi haldır. Əgər narahatlığınız artırsa və ya psixi sağlamlıq diaqnozunuz varsa, müalicəyə başlamağınız məsləhət görülür.